Privaatheidsbeleid

Hierdie privaatheidsbeleid beskryf hoe ons jou inligting versamel, verwerk en deel, en dit geld vir al ons Platforms en Dienste. Ons “Platforms” verwys na ons webwerf, e-posse, sosiale media en enige ander tegnologie of diens wat jy gebruik om met ons in aanraking te kom. “Dienste” verwys na enige kursusse, programme, geleenthede, produkte of dienste wat Kleinbosch via ons Platforms of op ons perseel aanbied.

Ons sal redelike stappe doen om jou persoonlike inligting te beskerm. Ons mag jou persoonlike inligting elektronies versamel, stoor en gebruik soos in hierdie privaatheidsbeleid uiteengesit (indien jy nie hiertoe instem nie, moet asseblief nie ons Platforms gebruik of daarop registreer nie).

Ons is daartoe verbind om aan plaaslike en internasionale wetgewing oor databeskerming te voldoen, insluitend die Wet op Beskerming van Persoonlike Inligting (“POPIA”) en, waar van toepassing, die Algemene Databeskermingsregulasie (“GDPR”).

Wie versamel jou inligting

Kleinbosch is ’n afdeling van Babylonstoren. Enige persoonlike inligting wat aan ons verskaf of deur ons versamel word, word beheer deur Babylonstoren (Eiendoms) Beperk (Suid-Afrika).

Inligting wat ons versamel

Ons versamel en ontvang inligting oor jou op die volgende maniere:

1. Inligting wat jy aan ons gee. Dit sluit enige inligting in wat jy direk aan ons verskaf, persoonlik of via ons Platforms, per telefoon, teksboodskap, sosiale media of enige ander medium, byvoorbeeld wanneer jy:
   • vir ’n kursus, program of geleentheid bespreek of inskryf;
   • ’n leerder borg of ’n bydrae maak;
   • aan ’n kompetisie of promosie deelneem of ’n opname voltooi;
   • met ons kontak maak of andersins inligting direk aan ons verskaf.
2. Inligting wat ons versamel of ontvang wanneer jy ons Platforms gebruik. Ons gebruik koekies, webbakens en ander tegnologieë om inligting te versamel wanneer jy ons Platforms gebruik. Afhangende van hoe jy ons Platforms gebruik, kan ons die volgende ontvang:
   • inligting uit loglêers (byvoorbeeld oor hoe jy ons Platforms gebruik en watter inhoud jy bekyk);
   • inligting wat ons oor jou aflei op grond van jou interaksie met ons Dienste;
   • toestelinligting (byvoorbeeld die soort toestel wat jy gebruik, jou blaaier of bedryfstelsel en jou Internetprotokol-adres, of “IP-adres”);
   • inligting wat met Google Analytics en die Meta-pixel versamel word (soos hieronder beskryf).
3. Inligting van derdepartybronne. Ons kan bykomende inligting oor jou ontvang wat publiek beskikbaar is of wat jy ingestem het om met ons te deel, en dit kombineer met ander inligting wat ons oor jou het. Ons kan ook inligting oor jou ontvang wanneer jy kies om via ’n sosiale netwerk met ons te skakel. Daarbenewens kan ons inligting insamel wat jy aan ander maatskappye in ons groep verskaf het (met ander woorde ons houermaatskappy, filiale of sustermaatskappye), sodat ons jou ’n ervaring kan bied wat op jou geteiken is, en aanbevelings kan maak op grond van jou vorige interaksies met daardie maatskappye.

Dit is vrywillig om jou persoonlike inligting aan ons te verskaf. Indien jy egter kies om sekere inligting nie te verskaf nie, sal ons dalk nie sekere Dienste aan jou kan lewer nie. Ons kan byvoorbeeld nie ’n bespreking verwerk sonder jou kontakbesonderhede nie, en sommige funksies op ons Platforms het inligting nodig om te werk. Die gevolge daarvan om spesifieke inligting nie te verskaf nie, hang af van die aard van die Diens wat jy gebruik.

Hoe ons die inligting gebruik

Ons versamel, stoor en gebruik persoonlike inligting om:

1. ons Dienste aan jou te lewer, insluitend om jou besprekings en inskrywings te verwerk;
2. ’n persoonlike profiel van jou saam te stel en relevante aanbevelings op jou af te stem, wat kan insluit dat ons, ons Dienste en Platforms by jou belangstellings en behoeftes aanpas en sorg dat dit op jou toestel werk;
3. met jou te kommunikeer, ook oor ’n kursus of program waarvoor jy of jou kind ingeskryf is;
4. vir jou inligting, nuusbriewe of advertensies oor ons Dienste of die Dienste van ander maatskappye in ons groep te stuur;
5. doeltreffende advertensies te lewer, wat kan insluit dat jou inligting met dié van ’n derde party gekoppel word (sien ook “Hoe ons die inligting deel” hieronder);
6. ons Platforms en kliëntedatabasis saam te stel en in stand te hou;
7. die grootte en groei van ons kliëntedatabasis te volg;
8. gebruikers en besoekers van ons Platforms of perseel te registreer en te verifieer;
9. bedrieglike gebruik van of toegang tot ons Platforms te identifiseer en redelike maatreëls te tref om dit te voorkom;
10. nie-persoonlike statistiese inligting oor blaaigewoontes, klikpatrone en toegang tot ons Platforms saam te stel;
11. waar van toepassing, betalings te verwerk;
12. klagtes te beoordeel en te hanteer;
13. ons Dienste, kommunikasiemetodes en die funksionaliteit van ons Platforms te ontwikkel en te verbeter;
14. aan enige kontraktuele verpligtinge te voldoen wat ons het ten opsigte van die verskaffing van inligting of Dienste aan jou; en
15. kommunikasie, kliënteprofiele en terugvoer te bestuur. Ons kan terugvoer (kommentaar of resensies) wat jy via ons Platforms of andersins verskaf, op ons sosiale media of in ander promosiemateriaal publiseer.

Hoe ons die inligting deel

Ons kan inligting deel met:

1. Maatskappye in ons groep, met ander woorde ons houermaatskappy, filiale of sustermaatskappye.
2. Sakevennote. Ons kan nie-persoonlik identifiseerbare inligting met uitgesoekte sakevennote deel. Dit beteken dat ons nie inligting oor identifiseerbare individue aan hulle bekend maak nie, maar dat ons hulle wel van saamgevoegde inligting oor ons gebruikers kan voorsien.
3. Ander partye in reaksie op ’n regsproses of wanneer dit nodig is om ons Platforms te bedryf of te beskerm. Ons kan jou inligting bekend maak indien ons verplig is om dit te doen om aan ’n wetlike verpligting te voldoen of om ons Platforms te beskerm. Ons kan jou inligting ook tydens skuldinvordering bekend maak, aan ons prokureurs in verband met enige moontlike, gedreigde of werklike litigasie, of aan ons ouditeure vir die ouditering van ons rekeninge.
4. Ander partye in verband met sekere saketransaksies. Indien ons enige van ons besighede of bates herstruktureer of verkoop, kan ons jou persoonlike inligting aan die voornemende koper of ander transaksieparty bekend maak.
5. Maatskappye wat dienste aan ons lewer. Maatskappye wat dienste aan ons lewer of namens ons optree, soos ons besprekingstelsel Acuity Scheduling, kan toegang tot inligting oor jou hê. Hierdie maatskappye is beperk in hoe hulle die inligting wat hulle ontvang, mag gebruik.
6. Derde partye waar jy toestemming gegee het. Ons kan inligting met derde partye deel waar jy uitdruklik daartoe ingestem het, byvoorbeeld wanneer jy aan ’n kompetisie deelneem wat deur ’n derde party geborg word en die verskaffing van jou inligting ’n voorwaarde vir deelname is.
7. Ander partye wat inhoud, advertensiedienste of funksionaliteit op ons Platforms verskaf. Sommige inhoud, advertensies en funksionaliteit op ons Platforms kan verskaf word deur derde partye wat nie aan ons verbonde is nie, soos:
   • advertensieverskaffers, wat ons help om advertensies te wys wat by gebruikers se belangstellings pas en om te verstaan hoe gebruikers op daardie advertensies reageer;
   • gehoormetingsmaatskappye, wat ons help om die algehele gebruik van ons Platforms te meet en met ander aanlyndienste te vergelyk; en
   • sosiale netwerkdienste (soos Facebook, Instagram en LinkedIn) wat jou in staat stel om dinge wat jy op ons Platforms vind, met jou sosiale netwerk te deel. Dit is slegs van toepassing indien jy kies om met ’n sosiale netwerkdiens te skakel.

Hierdie derde partye kan inligting oor jou gebruik van ons Platforms versamel of ontvang, onder meer deur koekies, webbakens en ander tegnologieë, en hierdie inligting kan mettertyd versamel en gekombineer word met inligting wat op ander webwerwe en aanlyndienste versamel is. Onthou asseblief dat ons nie beheer het oor die privaatheidspraktyke van hierdie (of enige ander) derdepartydienste nie. Ons moedig jou dus aan om hul privaatheidsbeleide te lees voordat jy met hulle skakel.

Hierdie partye kan in ’n ander land as jy geleë wees. Jy stem in dat jou inligting met enige van die bogenoemde partye in ’n ander land gedeel kan word, en jy stem in tot die oordrag van jou inligting oor landsgrense heen na ’n land waarvan die privaatheidswette moontlik nie gelykstaande is aan dié van jou land van verblyf nie.

Leerders jonger as 18

Baie van ons leerders is jonger as 18. Ons verwerk die persoonlike inligting van ’n kind slegs met die toestemming van ’n ouer of voog, of waar die wet dit andersins toelaat. Indien ons agterkom dat ons per ongeluk persoonlike inligting van ’n kind sonder die nodige toestemming ingesamel het, sal ons stappe doen om daardie inligting so gou as wat redelikerwys uitvoerbaar is, uit te vee. Indien jy ’n ouer of voog is en vrae het oor die inligting wat ons oor jou kind hou, kontak ons asseblief by die adres onder “Kontak” hieronder.

Jou keuses en regte

Jy het die reg om ons te vra om jou nie vir bemarkingsdoeleindes te kontak nie. Jy kan hierdie reg enige tyd uitoefen deur enige van die uittree-opsies te gebruik wat ons altyd verskaf wanneer ons met jou kommunikeer.

Jy het verskeie regte oor hoe jou persoonlike inligting verwerk word, en jy kan hierdie regte enige tyd uitoefen deur ’n e-pos aan privacy@babylonstoren.com te stuur.

Jou regte is soos volg:

• jy het die reg om duidelike, deursigtige en maklik verstaanbare inligting te ontvang oor hoe ons jou persoonlike inligting gebruik;
• jy het die reg om jou persoonlike inligting enige tyd in te sien, reg te stel of by te werk;
• onder sekere omstandighede het jy die reg om te versoek dat ons jou inligting uitvee. As jy wil hê ons moet die persoonlike inligting wat ons oor jou hou, uitvee, laat weet ons asseblief. Ons sal redelike stappe doen om volgens wetlike vereistes op jou versoek te reageer;
• onder sekere omstandighede het jy die reg om die verwerking van jou persoonlike inligting te beperk;
• onder sekere omstandighede het jy die reg om beswaar te maak teen sekere soorte verwerking, insluitend verwerking vir direkte bemarking;
• jy het die reg om ’n klagte oor hoe ons jou persoonlike inligting verwerk, direk by enige plaaslike databeskermingsowerheid in te dien. In Suid-Afrika kan jy ’n klagte by die Inligtingsreguleerder indien by POPIAComplaints@inforegulator.org.za;
• indien jy toestemming gegee het dat ons jou persoonlike inligting gebruik, het jy die reg om daardie toestemming enige tyd terug te trek. Dit beteken egter nie dat wat ons voor die onttrekking met jou toestemming met jou inligting gedoen het, onwettig was nie;
• jy het die reg om nie onderworpe te wees aan ’n besluit wat uitsluitlik op outomatiese verwerking gebaseer is en wat regs- of ander beduidende gevolge vir jou inhou nie.

Ons neem tans geen besluite wat uitsluitlik op outomatiese verwerking gebaseer is en wat regs- of soortgelyke beduidende gevolge vir jou inhou nie.

Verdere inligting en advies oor jou regte kan by die databeskermingsowerheid in jou land verkry word.

Bewaring van inligting

Ons bewaar jou persoonlike inligting slegs so lank as wat nodig is vir die doel waarvoor dit versamel is, waarna dit uitgevee of gedeïdentifiseer word. Bewaringstydperke verskil na gelang van die soort inligting en die doel van die verwerking. Rekords van besprekings en betalings word byvoorbeeld bewaar so lank as wat nodig is om die betrokke Diens te lewer en te ondersteun en om aan toepaslike belasting- en rekeningkundige verpligtinge te voldoen. Inligting wat nie meer aan ’n identifiseerbare persoon gekoppel is nie, kan in saamgevoegde of geanonimiseerde vorm vir ontledingsdoeleindes bewaar word.

Koekies

Ons Platforms gebruik koekies. ’n Koekie is ’n alfanumeriese identifiseerder wat ons via jou webblaaier na jou toestel oordra wanneer jy ons Platforms besoek. Dit stel ons stelsel in staat om jou te herken wanneer jy ons Platforms weer besoek, en om ons diens aan jou te verbeter. Koekies kan ook gebruik word om saamgevoegde inligting saam te stel oor watter dele van ons Platforms die meeste besoek word. Hierdie verkeersinligting kan gebruik word om die inhoud van ons Platforms te verbeter en dit makliker vir jou te maak om te gebruik.

Wanneer jy ons webwerf besoek, vra ons jou toestemming vir koekies wat nie streng noodsaaklik is nie, en jy kan jou keuse enige tyd verander. Indien jy ons koekies wil weier, kan jy ook jou blaaier daarvolgens instel.

Google Analytics en die Meta-pixel

Wanneer jy toestemming gee dat jou aktiwiteit op ons Platforms nagespoor mag word, kan ons inligting met behulp van Google Analytics se advertensiefunksies insamel. Hierdie funksies help ons om gebruikersgedrag beter te verstaan en gepersonaliseerde advertensies en aanbevelings te verskaf. Die Google Analytics-advertensiefunksies wat ons gebruik, sluit in:

• herbemarking met Google Analytics;
• verslae oor hoe gereeld advertensies op die Google Display Network vertoon word;
• Google Analytics se verslae oor demografie en belangstellings;
• geïntegreerde dienste wat vereis dat Google Analytics data vir advertensiedoeleindes versamel, insluitend die versameling van data via advertensiekoekies en -identifiseerders.

Deur Google Analytics se advertensiefunksies te aktiveer, laat ons Google Analytics toe om data oor jou besoek met behulp van Google se advertensiekoekies en -identifiseerders te versamel, bykomend tot die data wat deur ons gewone ontleding versamel word.

Om aan ons verpligtinge te voldoen, verseker ons die volgende:

• Ons identifiseer nie individuele gebruikers nie, en ons fasiliteer nie die samevoeging van persoonlik identifiseerbare inligting met bykomende inligting wat deur enige Google-advertensieproduk of -funksie ingesamel is nie, tensy ons die gebruiker duidelik en voldoende oor daardie identifisering of samevoeging ingelig het, die gebruiker vooraf uitdruklik toestemming daarvoor gegee het (“opt-in”), en ons ’n Google Analytics-funksie gebruik wat dit uitdruklik ondersteun.
• Ons probeer nie om data wat Google in saamgevoegde vorm rapporteer, weer in afsonderlike data op te breek nie, ongeag of die gebruiker toestemming gegee het.

Om meer te wete te kom oor persoonlik identifiseerbare inligting en hoe dit hanteer word, beveel ons aan dat jy Google se kontrakte en beleide lees. Ons moedig jou ook aan om Google Analytics se beskikbare uittree-opsies vir die web te bekyk.

Ons gebruik ook die Meta-pixel, wat Meta (die eienaar van Facebook en Instagram) help om te meet hoe doeltreffend ons advertensies is en om advertensies te wys aan mense wat ons webwerf besoek het. Meta verwerk hierdie inligting volgens sy eie privaatheidsbeleid.

Beide ons en derdepartyverskaffers gebruik eerstepartykoekies (soos Google Analytics-koekies) en ander identifiseerders wat deur ons Platforms gestel word, asook derdepartykoekies (soos Google- en Meta-advertensiekoekies) en ander identifiseerders wat deur eksterne partye gestel word, vir doeleindes soos om ons dienste te verbeter, inhoud te personaliseer, geteikende advertensies te wys en gebruikersgedrag te ontleed.

Hoe jy Google se advertensiefunksies kan weier of beperk:

• Advertensie-instellings: Besoekers kan uit Google Analytics se advertensiefunksies tree deur hul advertensie-instellings by Google te verander. Hiermee kan gebruikers hul advertensievoorkeure bestuur en beheer watter soort advertensies hulle regoor Google se advertensienetwerk sien, en kies om nie gepersonaliseerde advertensies te ontvang nie.
• Advertensie-instellings vir mobiele toepassings: Gebruikers van mobiele toepassings kan gepersonaliseerde advertensies binne die toepassing self beheer en daaruit tree.
• Ander beskikbare maniere: Daar is ook ander maniere om uit Google Analytics se advertensiefunksies te tree, soos die Network Advertising Initiative (NAI) se uittree-opsie vir verbruikers, waar gebruikers kan uittree uit geteikende advertensies deur deelnemende maatskappye.

Ons verbintenis tot sekuriteit

Alhoewel niemand die sekuriteit van die inligting wat versamel en ontvang word, kan waarborg nie, gebruik ons ’n aantal voorsorgmaatreëls om die risiko van ongemagtigde toegang tot of openbaarmaking van jou inligting te verminder. Ons sal ons bes doen om jou persoonlike inligting te beskerm, en ons sal tegnologie gebruik wat op datum is en ons daarmee help.

Skakels na ander webwerwe

Ons Platforms bevat skakels na en van webwerwe, mobiele toepassings of dienste van derde partye, adverteerders of geaffilieerdes. Let asseblief daarop dat ons nie verantwoordelik is vir die privaatheidspraktyke van sulke ander partye nie, en ons raai jou aan om die privaatheidsverklarings te lees van elke webwerf wat jy besoek wat persoonlike inligting versamel.

Internasionale gebruikers

Kleinbosch is in Suid-Afrika gevestig en bedryf sy sake vanuit Suid-Afrika. Ongeag waar jy ons Platforms, produkte of dienste gebruik of toegang daartoe verkry, kan jou inligting oorgedra word na en bewaar word op bedieners in Suid-Afrika (of elders in die wêreld). Let asseblief daarop dat enige inligting wat ons oor jou verkry, gestoor sal word volgens Suid-Afrikaanse privaatheidswette, -regulasies en -standaarde, wat moontlik nie gelykstaande is aan die wette in jou land van verblyf nie. Deur ons Platforms te gebruik, stem jy in tot hierdie versameling, oordrag, berging en verwerking van inligting na en in Suid-Afrika.

Oordrag oor landsgrense

Ons kan derdeparty-diensverskaffers gebruik om ons Platforms en Dienste te huisves of te bedryf, insluitend wolkgebaseerde infrastruktuurverskaffers buite Suid-Afrika. Hierdie verskaffers verwerk data namens ons volgens ons instruksies en met toepaslike kontraktuele voorsorgmaatreëls. Enige oordrag van jou persoonlike inligting oor landsgrense heen geskied in ooreenstemming met toepaslike wetgewing oor databeskerming, insluitend die vereistes van artikel 72 van POPIA vir toereikende voorsorgmaatreëls.

Veranderinge aan hierdie privaatheidsbeleid

Ons kan hierdie privaatheidsbeleid van tyd tot tyd bywerk. Enige veranderinge wat ons aan ons privaatheidsbeleid aanbring, sal op hierdie bladsy geplaas word en, waar gepas, op ’n geskikte manier aan jou bekend gemaak word.

Kontak

Indien jy ’n bekommernis oor jou privaatheid, ’n klagte of ’n vraag het, kontak ons asseblief by privacy@babylonstoren.com.